Өмірге менің өкпем жоқ Генерал жазбалары

Самат Бәкіровтің бұл өмірбаяндық хикаяты автордың соңғы еңбегі, өзінің өркен жайған ұрпағы мен жақын-жұрағаттарына, ізбасар іні-қарындастарына өсиеті. Генерал Бәкіров мұның алдында да бірнеше кітап жазған кісі. Ол еңбектері оқырман қауымнан ерекше бағасын да алды. Өмірінің соңғы күндері нүктесін қойған бұл хикаятта автордың өнегелі өмір жолы, ұзақ та мағыналы өмірінде өз басынан өткізген әртүрлі жайттар, кездескен, сырласқан, сыйласқан дос-жарандар туралы сыр сабақталады. Кітаптың танымдық, ғибраттық тұрғыда маңызды дүние екендігіне сөз жоқ. Басылым жалпы оқырман қауымға арналған. Генерал-майор Самат Смағұлұлы Бәкіров ұзақ жылдар бойы Қостанай облысының ішкі істер басқармасын басқарды. Талай тәртіп сақшыларының ұстазы болды, бүкіл саналы ғұмырын қылмыспен күреске, оның алдын алуға жұмсады, ұлағатты ұрпақ өсірді. Бұл кітаптан да абзал жанның өршіл де өр болмысын аңғарасың.