Қазақ журналистикасы тарихы пәнінен лекция курсы

Бұл лекция курсында төл баспасөзіміздің бастау көзіндегі ілкі үлгілерінен бастап, XIX ғасырдың екінші жартысындағы сапалық түрлері, кеңестік дәуір мен 1991 жылдан басталатын тәуелсіздік жылдарынан бүгінгі таңға дейінгі аралықты қамтитын қазақ баспасөзінің тарихы баяндалды. Кітап құрастыру барысында Б. Кенжебаев, Х. Бекхожин, Т. Қожекеев, С. Мұқанов, С. Қозыбаев және Қ. Аллабергенов, тағы да журналист ғалымдардың еңбектерінен, жеке газет, журналдардан алынған материалдар, әр кезеңде жарық көрген зерттеулер мен мақалалар пайдаланылды. Сол сияқты соңғы кезде баспасөз бетінде жарияланған жаңа мағлұматтар, тың деректер де қамтылды. Кітапша журналист мамандары бойынша білім алатын студенттерге, арнайы журналистік курстарға, сырттай оқитын студенттерге, жалпы білім беретін мектептерге, қазақ баспасөз тарихын зерттеушілерге, қалың оқырманға арналды.