Құрмалас аралас сөйлемнің теориялық негіздері

Еңбекте қазақ тіл білімінің құрмалас сөйлем түрлеріне, әсіресе аралас сөйлемге, аса назар аударылған. Автор тарапынан құрмалас сөйлем синтаксисінің зерттелу жайымен басты белгілері, олардың даму жолдары жан-жақты баяндалады. Сонымен қатар аралас құрмалас сөйлемнің қолданылу аясы, тілдегі алатын орны (құрамдық, құрылымдық, мағыналық) әр алуан ғылыми байымдаулар мен тілдік фактілер арқылы тиянақталады. Бұл сөйлем түрінің басқа тілдердегі көрінісі де көңіл аудартады және ол өз кезегінде тығыз байланыстағы бірліктер екендігін байқатады. Аталған сөйлемнің негізгі құрылыс материалын анықтау мен синтаксистік қатынас түрлерін (мағыналық топ) айқындау да алғаш рет талдауға түсіп отыр.   Еңбек жоғары оқу орындарындағы филология бөлімінің студенттеріне қосымша құрал болумен қатар, тіл білімінің синтаксис саласына көңіл бөліп жүрген ізденушілерге теориялық тұрғыдан көмегін тигізе алады деп сенеміз.