Қаракерей шежіресі 8 том

Ата-тегімізді білу Қазақтың мәдени мұрасы. Атамыздан қалған жұрнақты жоғалтпай, ұқыптап жадымызда сақтау бүгінгі ұрпақтың міндеті. Қаракерейдің тұңғыш томы жалпы Мәмбет атасына арналған еді. Ол шежіреден кейін екі жыл өткен соң, Қытайдың Үрімжі қаласынан осы аттас тағы бір кітап шығып, сол мемлекетте тұратын қандастарымыздың атасын таратыпты. Осы жылдары Мәмбет атасының тарихына арналған, басқа да кітаптар жарық көріпті. Міне осы шыққан шежірелердің басын біріктіріп, қайтадан Мәмбет атасын жеке-жеке кітап етіп: Мәмбеттің Өмір мен Күшік атасын және Мәмбет-Қожақұл мен Байжігіт-Қарақұрсақ аталарына арналған шежіре шығарылып отыр. Бұл кітаптар көптомдық "Қаракерей шежіресінің" сегізінші және тоғызыншы томдарын құрады. Қолыңыздағы кітап, Өмір мен Күшік атасының, бүгінгі күнге дейін жарық көрген шежірелердің ең толығы. Шежіреге қоса, тарихи дерек, осы аталардан шыққан атақты адамдар туралы аңыз-әңгімелер, қосымша бөлімде берілген. Шежіре қалың қауымға арналған.