Н.К. Крупская. Өмірі мен қызметі және педагогикалық мұрасы

Бұл кітап Надежда Константиновна Крупскаяның туғанына 90 жыл толуына арналып жазылды. Алға қойған мақсатымыз - жұртшылықты, әсіресе оқытушылар көпшілігін, мемлекеттің көрнекті қайраткері, революционер, осымен бірге марксист, ірі ғалым, педагог Надежда Константиновнаның өмірімен және қызметімен таныстырып, оның педагогикалық мұрасына қысқаша шолу беру. Кітапшаны құрастыруда Надежда Константиновна туралы баспасөзде жарияланған әдебиеттер, ұлы педагогтың орыс және қазақ тілінде басылып шыққан еңбектері пайдаланылды. Бұл кітаптағы "Н. К. Крупскаяның қазақ тілінде шыққан еңбектері" деген мақаланың авторы және Н. К. Крупскаяның қазақ тілінде басылған еңбектерінің тізімін құрастырған - Қазақтың педагогикалық әйелдер институтының аға оқытушысы С.Мусин.