Шығармалар

С. Дөнентаевтың бірқатар шығармалары бұрын газет, журнал бетінде: "Жаналин", "Бәйімбет", "Азалы", "Жетім", "Бегендік", "Еңбекші", "С.Д." деген аттармен жарияланып келген. Осыған байланысты оның бірталай өлеңдері мен прозасы табылып жыйнаққа кіргізілді. Әрине, мұнымен Сәбит шығармалары толық жыйналды деуге болмайды. Бір ескеретін нәрсе - Сәбиттің шығармалары әсіресе мақалалары  мен очерктері газетке басылған қалпында өзгеріссіз алынды. Ақынның шығармалары  дәуір, жанр ретінде жіктеліп берілді. Бірінші бөлімге алғашқы дәуірдегі өлеңдері, екінші бөлімге совет дәуіріндегі  өлеңдері, үшінші бөлімге қара сөздері кіргізілді. Алғашқы дәуірдегі өлеңдері "Уақ-түйекте" басылған тәртіппен берілді. Ал ертеректе жазылған бірлі-жарым мақалалары үшінші бөлімнің соңынан жіберілді. Төртінші бөлімде ақынның өміріне, шығармаларына арналған қосымша материалдар кіргізілді. Жыйнақты дайындаған филология ғылымдарының кандидаты Е. Исмаилов, ғылми қызметкер Б. Ақмұқанова және С. Дөнентаева.