Рух нәрі - ұлы сөз

Тәуелсіздік таңы атқаннан бергі уақыт аралығында әр салада тың шаралар, игі істер жүзеге асуда - барымызды базарлап, жоғалтқанымызды олжалап, тарихымызды жаңа қырынан зерттеп, саралап жатырмыз. Әмәнда, олжа-жоралғымыз баянды, бақты болғай. Өткен тірлікке көз жіберіп, ой елегінен өткізер болсақ, небір асылдарымыз, тарихи тұлғаларымыз, олардың ел үшін төккен тері, еселі еңбегі бүгінгі таңда халық санасында жаңғырып, әлсіреген рухымызды шыңдап, тапталған намысымызды ширатып, жасыған жігерімізді жануға зор ықпал жасауда.