Қазақ баспасөзінің тарихынан мәліметтер

Бұл кітапшада қазақ тілінде XIX ғасырда және XX ғасырдың алғашқы отыз жылы ішінде шыққан кітап, газет, журналдар туралы қысқаша мәлімет беріледі. Олар кей ретте топталып түсіндіріледі де, кей ретте библиографиялық тізім түрінде көрсетіледі. Бұл кітапша қазақ баспасөзінің тарихы емес. Қазақ баспасөзінің тарихы қазақ тілінде бұрынды соңды шыққан кітаптарды, газеттерді, журналдарды түгел қарастырып, марксизм -ленинизм тұрғысынан жан-жақты терең зерттеп, ғылыми жүйеге салып, көлемді, күрделі еңбек етіп шығаруды талап етеді; ол, әрине, тың жатқан, жыйнаушы, зерттеушісін күтіп тұрған тақырып және зор игілікті іс.