Ақын жырлары

Қазақ әдебиетінің тарихында импровизатор ақын жыршылардың өлең, толғаулары елеулі орын алады. Олардың ауызша, бертінде бірқатары жазбаша шығарып таралған шығармалары халық өмірінің шындығын кеңінен қамтып, бейнелеп отырды. Өлең, жырлары, есімі халық арасына белгілі ақын, жыршылар бізде мол. Әсересе, совет дәуірінде таланты қайта туып, творчестволық даму өрлеуіне көтерілген ақындардың өлендері бізде көптен жиналды. Сондықтан қазақтың бұрын - соңды импровизатор ақындарының өлең, жырларын жинап бастырудың маңызы үлкен. Мұндай жинақ қалың оқушылар жұртшылығы үшін де, қазақ әдебиеті тарихын оқып зерттеуші студенттер, оқытушы, әдебиетшілер үшін де қажет екендігі дауысыз.