Әке тәлімі

Бұл жинаққа Әблеш ақсақалдың жылдар бойы тырнақтап баспа беттерінен жинаған ескілікті ғибратты әңгімелер мен ауыл қарияларынан естіп, ойына түйген әңгімелері кіріп отыр. Жинаққа енген әңгімелер оның өмір жолында  басынан кешкен оқиғалары, мақсатына жету жолындағы талпынысын көрсетеді. Сол сияқты оның шығарған өсиет өлеңдері мен арнаулары және жадына сақтап жаттаған жырлары енгізілді. Сондықтан бұл кітаптың ішіне енген ауылдас-замандастары туралы айтылған сыр, естелік-ойлары, жинақталған құнды дүниелер оқырмандарға, қарияның туған-туыс, құда-жекжаттары мен ұрпақтарына қалдырған тағлымы мен тәлімі мол әдеби-рухани мұрасы болары сөзсіз.