Абайдың жұмбағы Роман-хамса

5.00 Средний рейтинг1 голосов
Жанры Көркем әдебиет
Авторы:
Страницы: 752 страниц
Город публикации: Алматы
Язык книги: қаз. тілі
Хранилище: ОӘҒК

    "Абайдың жұмбағы" - белгілі жазушы Рамазан Тоқтаровтың оныншы романы. Мұның алдында оның әр жылдарда "Бақыт", "Ертіс мұхитқа құяды", "Терістік шұғыласы", "Тұлпардың сыны", "Жердің үлгісі", "Ғасыр наны", "Сусамыр", "Таңбалы жарғақтың құпиясы" атты көлемді туындылары жарық көрді. Ұлы Абайдың өмірі мен шығармашылығына арналған бұл роман - хамсасында жазушы ақынның туғанынан бастап дүниеден өткеніне дейінгі тұтас бір дәуір панорамасын жасауды мақсат еткен. Роман-хамса, автордың пайымдауынша, ақынның əдеби бейнесін толымдырақ етіп жеткізу үшін əлі де қамтылмай келе жатқан жайттар баршылық. «Бір Абайдан сан кісінің саралы өмірі тұр. Абайдың не бергені — біздің қолымызда. Өзінің өмірден не алғаны, қалай алғаны — жұмбақ. Ол жұрт көрмегенді көрді, жұрт сезінбегенді сезінді. Қалай көрді, қалай сезінді, түсінік-түйсігі қай дəрежеде қалыптасты? Не нəрселерге көбірек əсерленді?  Абайдың достығы, мейірбанды жүрегі, махаббатығы, сүйініш-күйініші — бəрі өзгеше». Абай өз заманынан озық туса да жапа-жалғыз тіршілік еткен жоқ. Дүние жүзінде əдебиет пен мəдениет күрт өркендеген кезеңде өмір сүрді. Өзінің оқып білуі арқылы сол тұстағы Еуропа мен Ресейдің небір ғұлама ойшылдары мен дарынды сөз иелерінің шығармаларынан сусындады. Өз топырағында не бір аты əйгілі болған жақсылармен, сөз қуған шешендермен, елге ес көсемдермен дидарлас болды. Олардың көбін кешегі кеңестік заманда Абай айналасында көрсетпек түгіл аттарын атауға да тыйым салынған-ды. Роман-хамсада соларды жөн-жосығымен толығырақ көрсетуге мол мүмкіндіктер бар еді. Автордың абыройына қарай, роман-хамса бастан-аяқ жоғары көркемдік дəрежеде жазылып, қалың оқырман қауымның ойынан шықты, жаңа дəуірдегі əдебиетімізге сүбелі үлес болып қосылды.

Отзывы

Обязательные поля помечены *. Ваш электронный адрес не будет опубликован.
Базаров Жолдыбай 14 Mar, 2024
Керемет кітап