Әлия Молдағұлқызы Повесть

    Жұмаханов Жекен (1913-1978) - жазушы, аудармашы, Ұлы Отан соғысына қатысушы. 1913 жылы 5 желтоқсанда Семей облысы (қазіргі Шығыс Қазақстан облысы), Абай ауданы, Жүрекадыр ауылында дүниеге келген. 1932 жылы Семей педагогикалық педтехникумы (қазіргі Семей қ. М.О. Әуезов атындағы педагогикалық колледж) бітірген. 1938 жылы Алматыдағы Коммунистік журналистика институтын аяқтайды. 1932-1934 жж. Семейде мұғалім, Жарма аудандық жер бөлімінде хатшы қызметтерін атқарған. 1938-1941 жж. «Социалистік Қазақстан» (қазіргі «Егемен Қазақстан») газетінде қызметкер болған. 1939 жылдан жариялана бастайды. Әлия Молдағұлова, Ыбрайым Сүлейменов, Бексұлтан Рахметов туралы очерктер жазған. 1946-1978 жж. «Социалистік Қазақстан» (қазіргі «Егемен Қазақстан») газеті бөлімінің меңгерушісі, Семей облысында (қазіргі ШҚО) меншікті тілші, «Қазақ әдебиеті» газеті редакторының орынбасары, «Қазақфильм» киностудиясы сценарий бөлімінің меңгерушісі, «Мәдениет және тұрмыс» журналы бөлімінің меңгерушісі қызметтерін атқарған.