Әруақты аталар Естеліктер, сапарнамалар, ғибратты толғаныстар, танымдық мақалалар

    Өмірдегі құбылыстарды жүрек сүзгісінен өткізіп, жақсысына сүйініп, жаманына күйіне білетін, имандылықты ту етіп ұстаған Қайыржан қажының жаңа кітабының алтын арқауы - ел тұтастығы мен жер тұтастығы, ұрпақ тәрбиесі, адамның адамгершілік парызы мен азаматтық борышы. Біреу білсе, біреу біле бермейтін, қазақтың ұранына айналған Әнет баба, Райымбек батыр, Бекет ата туралы құнды деректерді топтастыра отырып, әруақты аталардың ерлігі мен өрлігін дәріптейді. Хрестоматиялық сипатқа ие бұл кітап отанжанды, ел тарихын, мұсылмандық жол-жоралғыларды білуге құштар оқырман қауымға арналған. Автордың бермек үлгісі, ұсынбақ өнегесі, айтпақ ойы құнарлы.