Өлеңім - өмірім

    Бұл кітапқа аса көрнекті ақын, Қазақстан Республикасының халық жазушысы, Мемлекеттік сыйлықтың лауреаты, Ұлы Отан соғысының ардагері Қалижан Нұрғожаұлы Бекхожин (1913-1993) жайлы ағаларының, інілерінің ақ тілектері жазылған. Қазақ халқының классик жазушыларының, Қалекеңмен қатар жүрген құрбыларының, замандастарының, көз көрген ізбасар інілерінің, сыншылардың, балаларының естеліктерін, жүрекжарды сырлары мен зерттеу мақалаларын ақынның 90 жылдығына орай жинақтап, ел-жұртына ұсынып отырмыз. Әдебиетіміздегі үлкен тұлғаның бірі Қалекеңнің ақындық өмір жолы жас ұрпаққа тағылымды болатыны сөзсіз.