Өлкетану Павлодар өңірінің Ислам руханиятының тарихы Жалпыға арналған

    Аталмыш еңбекте Ертіс-Баян өңіріне Ислам дінінің келуі, орнығуы, патшалық Ресей кезіндегі және Кеңес үкіметі дәуіріндегі осы өңірдегі рухани - имани ілімнің ұрпақ сабақтастығы, әр дәуірде өмір сүрген өңірдің рухани-діни тұлғаларының өмірдеректерінен хабар береді. Сонымен қатар Тәуелсіздік жылдары қасиетті дініміздің қалыптасуы, дамуы, көркеюі туралы мол мағлұмат береді. Өңіріміздің өткен тарихындағы имандылық жолында өмірін сарп еткен руханидіни тұлғаларымызбен қатар бүгінгі таңдағы Павлодар өңірінің дін қайраткерлерінің де атқарып жатқан сауапты іс-шараларын көпшілікке таныстырады. Бұл кітап дінтанушыларға, өңір жастарына, ЖОО-ның студенттеріне, орта мектеп оқушыларына, дін қызметшілеріне, жалпы мұсылман қауымына құнды мәліметтер ұсынып, олардың тарихи танымын кеңейтуіне мол үлес қоса алады. Сонымен қатар мектеп бағдарламаларында өтетін дінтану немесе өлкетану сабақтарында қосымша оқу құралдары ретінде пайдалануға да болады және өңір тарихын жете зерделегісі келген жастарға, ғылым жолына түскен азаматтарға берер пайдасы да мол.