Ақылға сәуле қонбаса

    А. Тойшыбайұлының «Ақылға сәуле қонбаса...» атты кезекті жинағында толығымен адамгершілік, иман, тазалық, рухани байлық жөнінде айтылады. Тұлғалық өсу мен өзін-өзі дамытуды, лайықты өмір сүрудің тәсілдерін, өзіңді, өз қалауыңды түсінуге кітаптың берер көмегі көп. Сонымен қатар автор бұл жинақта мағынасы, мәні ешуақытта өзгермейтін сөздерді танып, талдап, кейбірін аударып, қорытынды жасап оқырманға ұсынған. Кітап арқылы адамдар жетістікке жету, достық, махаббат, өзгелердің құрметіне ие болу, қиындықты болдырмауды білуге, яғни өзіңді өзің тану, өзіңді өзің табу жолында қай мінез дұрыс, қай қылық бұрыс, өз өлшеміңе салуыңа мүмкіндік туады. Автор әлеуметтік желіні белсенді қолданып, осы жинаққа енген туындылары туралы оқырмандармен ой-пікірін кеңінен бөліскен.