Өрнекті ойлар Т.6 ғылыми-зерттеу жинағы

    Оқырманға жол тартып отырған «Өрнекті ойлар» атты кітапта, белгілі ғалым, сыншы драматург Бекмұрат Уахатовтың қазақ халқының қазынасына айналған салт-дәстүрі, айшықты әңгімелер, дәстүріміздің әйгілі айтыс өнері және қазақтың мақал-мәтелдері, сонымен қатар ғалымның ғылыми еңбектері қамтылған. ҚР Тұңғыш президенті Н. Ә. Назарбаевтың «Болашаққа бағдар: рухани жаңғыру» атты бағдарламасында атап айтқандай елімізде жаңа тарихи кезең басталды. Жаңа тұрпатты жаңғырудың ең басты шарты – ұлттық кодыңды сақтай білу. Қазақ халқының салт-дәстүрін қаз қалпында сақтап, келешек ұрпаққа жеткізу. Аталған кітаптың жарық көруіне негіз болып отырған басты мәселе де осы. Ғалым Бекмұрат Уахатовтың да еңбектеріндегі басты нысан қазақ әдебиетіндегі құндылықтарды сақтау, салт-дәстүрді жіті зерттеу болып табылады. Кітапқа оның бұрын жарық көрмеген әңгімелері, пьесалары және «Арқалық батыр» атты құнды шығармасы еңгізілді. Кітапты баспадан қайта шығару туралы ұсынысты Бауыржан Бекмұратұлы мен Бақытжан Бекмұратқызы жасады. «Адам ұрпағымен мың жасайды», - деген даналық сөз осындай пейілге орай айтылған болар. Ұлттық сана-сезімнің көкжиегін кеңейтіп, болмысымыздың өзегін сақтай білген ғалым Бекмұрат Уахатов еңбектері адам бойындағы ұлттық рухты көтеруге негізделген.